Юныя футбалісткі Яўгенія Бондар, Вікторыя Чарток, Анастасія Лосік, Кацярына Хаткевіч, Аліна Жернасек на жнівеньскай настаўніцкай канференцыі прадстаўлялі сваю футбольную каманду.

Аб жаночым футболе ў Мар’інай Горцы ўжо шмат хто ведае, таму што маладая дзявочая каманда, створаная на базе Мар’інагорскай спецыялізаванай дзіцяча-юнацкай школы алімпійскага рэзерву, практычна адразу стала выступаць паспяхова. Так, дзяўчаты пад кіраўніцтвам трэнера Дзмітрыя Ламака ў 2015 годзе сталі прызёрамі рэспубліканскага турніру «Кока-кола: уступай у гульню», самага масавага футбольнага спаборніцтва, якім ахоплены ўсе раёны Беларусі. А сёння ў скарбонцы гэтай каманды ўжо не адна ўзнагарода і званне бронзавых прызёраў Мінскай вобласці.

Нашы юныя пухавіцкія футбалісткі Дыяна Шэлег, Марыя Качан, Анастасія Тагаева, Юлія Ляпіч, Паліна Гурская ў складзе зборнай каманды Мінскай вобласці сёлета сталі пераможцамі спартакіяды Мінскай вобласці сярод школьнікаў і сярэбранымі прызёрамі ў спартакіядзе Рэспублікі Беларусь сярод школьнікаў.

Восень — час новых адказных гульняў. І дзяўчынкі яшчэ не раз у гэтым сезоне выйдуць на поле даказваць, што яны лепшыя.

Алена  ШАНТЫКА.