Есть проблема Жилищно-коммунальное хозяйство Еўракантэйнеры сталі «ахвярамі» вандалізму. 28.07.2017 98 Redactor Комментариев нет Кожнае камунальнае прадпрыемства мае план па нарыхтоўцы другасных адходаў. Павялічваць збор другаснай сыравіны павінна дазволіць работа па ўстаноўцы кантэйнераў для паасобнага збору адходаў. Іх у раёне налічваецца 363 адзінкі. У тым ліку — 196 новых еўракантэйнераў, для вывазу якіх набыты і дзве новыя спецыялізаваныя машыны. Самы час прааналізаваць лічбы. За 6 месяцаў з еўракантэйнераў было са-брана значна менш другаснай сыравіны, чым камунальнікі планавалі. Чаму так адбываецца? Найперш таму, што з адкрытых кантэйнераў проста знікае другасная сыравіна, на якую ёсць попыт у адпаведнай групы насельніцтва. Па другое, мы бачым, што сартаванне — па-ранейшаму далёка не самы моцны бок нашых грама-дзян, нягледзячы на пастаянную інфармацыйную работу і работу па забеспячэнні насельніцтва ўсімі ўмовамі для практычнага прымянення на справе свядомых адносін да збору адходаў. Так, новыя еўракантэйнеры, нядаўна ўстаноўленыя на кантэйнерных пляцоўках горада і пасёлкаў, прыстасаваны якраз для найбольш эфектыўнага раздзельнага збору. Яны абсталяваны спецыяльнымі прарэзамі для збору адпаведных адходаў (паперы, шкла, палімераў). Гэтыя шчыліны павінны прадухіліць пападанне ў кантэйнеры пакетаў са звычайным бытавым смеццем. Ва ўсякім разе, менавіта так і павінна быць. Аднак на справе ўсё выглядае інакш. І мы ўжо не аднойчы пісалі пра тое, што паказваюць рэйды па кантэйнерных пляцоўках: нягледзячы на наяўнасць ёмістасцяў для агульнага смецця, грама-дзяне ўсё роўна ўмудраюцца змешваць адходы нават у еўракантэйнерах. Гэта, безумоўна, праблема, якая гаворыць аб адсутнасці належнай свядомасці ў дадзеным пытанні і аб нежаданні займацца сартаваннем бытавых адходаў. Але гэта, на жаль, не адзіная праблема. Акрамя названай, ёсць яшчэ адна: еўракантэйнеры сталі «ахвярамі» вандалізму (глядзі фота). Эстэтычныя, сучасныя, абсталяваныя коламі для больш зручнага манеўрыравання, яны хутка губляюць свае спажывецкія ўласцівасці. Прыклад таму — кантэйнерная пляцоўка ў дварах па вуліцы Камунальная. Ні адзін з чатырох новых кантэйнераў ўжо не выглядае новым. Мала таго, што з прарэзаў вырваны палоскі гумы, якія затуляюць ад ападкаў змесціва кантэйнераў, у іх зламаны і па-крадзены колы. Гледзячы на такі вынік работы вандалаў, зноў і зноў узнікае пытанне: што яшчэ трэба зрабіць, каб у людзях, нарэшце, прачнулася сумленне? У дадзены момант нават не хочацца казаць пра свядомасць, што дазволіла б нам думаць пра дзень заўтрашні, які ўсім можа гарантаваць толькі добрае экалагічнае становішча. Просяцца другія словы: спыніце вандалізм, не крадзіце ў саміх сябе, заставайцеся людзьмі! Алена ШАНТЫКА.