Важное Сельское хозяйство Ураджай-2024 Тры новыя камбайны папоўнілі сельскагаспадарчыя арганізацыі нашага раёна 27.06.2024 560 Redactor Комментариев нет Адразу тры новыя камбайны беларускай вытворчасці ААТ “Гомсельмаш” прыйшлі ў сельскагаспадарчыя арганізацыі нашага раёна напярэдадні ўборкі ўраджаю: два — у СУП «Дукора-Агра» і адзін —у ЭБ «Зазер’е». У эксперыментальнай базе «Зазер’е» ў мінулым сезоне ўбіралі хлеб з палёў пяць камбайнаў. Адзін з іх спісалі, і яму на змену атрымалі новы. У СУП «Дукора-Агра» таксама працавалі ў полі пяць камбайнаў, і нагрузка на кожны была істотная. Сёлета ж з набыццём новай тэхнікі ўбраць і абмалаціць такія аб’ёмы, як 3650 гектараў збожжавых і зернебабовых культур разам з рапсам, будзе значна лягчэй. Новую тэхніку ў СУП «Дукора-Агра» даверылі вопытным камбайнерам Сяргею Піталенку і Дзмітрыю Хвастову. Першае выпрабаванне на полі яна будзе праходзіць хутка: ужо наліваецца колас азімага ячменю. У гаспадарцы яго вырошчваюць на плошчы 500 гектараў. Сяргей Піталенка і Дзмітрый Хвастоў. ДАВЕДКА: Збожжаўборачны камбайн GS12A1 адрозніваецца высокай прадукцыйнасцю і ўніверсальнасцю. Спраўляецца з уборкай засмечаных, высокасаломістых і вільготных хлябоў. Усе гэтыя бясспрэчныя перавагі робяць яго самым запатрабаваным у сваім класе. Для аператара камбайна ААТ “Гомсельмаш” распрацавала камфартабельную кабіну новага пакалення LUX CAB, у якой асаблівая ўвага нададзена эрганоміцы працоўнага месца і інтэр’еру. Анастасія ПЛЯТНЁВА.