Сельское хозяйство На шчодрым полі — ААТ “Машхарчпрад” працягвае ўборку бульбы 14.09.2020 259 Redactor Комментариев нет Анатоль Лудчынскі. Наступіла гарачая пара для калектыву ААТ “Машхарчпрад” — уборка бульбы. У гэтым годзе “другі хлеб” прадпрыемства вырошчвала на плошчы 595 гектараў. Ураджай радуе: з гектара атрымліваюць да 60 тон бульбы. Людзі працуюць з добрым настроем, стараюцца ўбраць клубні з поля, пакуль стаіць спрыяльнае надвор’е, кааб запоўніць сховішча бульбай і забяспечыць калектыў пераапрацоўчага завода сыравінай. На адным з чатырох бульбаўборачных камбайнаў прадпрыемства працуе механізатар Анатоль Лудчынскі. Надвор’е ў гэтым годзе спрыяе ўборцы «другога хлеба». А прыступілі да гэтых работ яшчэ ў жніўні. Капаюць бульбу, выконваючы ўвесь тэхналагічны ланцужок. Адразу праходзіць трактар, які збівае бацвінне. Следам за ім яшчэ адзін, які з чатырох радоў збірае бульбу ў два рады, каб зручней было капаць. — Зараз мы капаем насенную бульбу, — расказвае першы намеснік дырэктара ААТ «Машхарчпрад» Дзмітрый Лімараў. — На захоўванне яе трэба закласці 2,5 тысячы тон. Для гэтых мэтаў вырошчвалі такія гатункі, як «каралева Ганна», «брыз», «апал», «вектар». Дарэчы, гатунак «каралева Ганна» сёлета рэкардсмен па ўраджайнасці: збіраем па 60 тон з гектара. Нядрэнна ўрадзіў і гатунак «брыз». Ён дае па 45 тон. Гэта вынік таго, што мы пасадзілі бульбу ў лепшыя агратэхнічныя тэрміны і правялі ўсе неабходныя апрацоўкі. Вадзіцель Алег Жаўнерчык. Каб пры пераапрацоўцы атрымаць якасны прадукт, абавязковай умовай з’яўляецца высокае ўтрыманне ў клубнях сухога рэчыва і нізкае ўтрыманне цукру. Гэтым умовам добра адпавядаюць гатункі «апал» і «піролі», а для рэалізацыі — «каралева Ганна», «брыз», «вектар». Для бесперабойнай работы прадпрыемства, якое спецыялізуецца на вытворчасці прадукцыі з бульбы, неабходна нарыхтаваць 25 тысяч тон клубняў. Таксама бульбу плануюць часткова прадаць у Расію, Малдову, Украіну. На гэтым тыдні яе капалі за вёскай Падбярэжжа. Механізатар Анатоль Лудчынскі адзначае: — Сёння капаем гатунак «апал». Бульба вырасла добрая, убіраць такі ўраджай адно задавальненне. Дажджы, якія нядаўна прайшлі, прамачылі зямлю, але не перашкодзілі тэмпам працы. Вадзім Вярэніч і Міхаіл Грышук. Працуе Анатоль Анатольевіч разам з Юрыем Рамановічам на трактары «Беларус-1523» з бульбаўборачным камбайнам GRIMME SE150-60. Убіраюць ураджай з поля чатыры бульба-ўборачныя камбайны. На іх працуюць Міхаіл Грышук з памоч-нікам Вадзімам Вярэнічам, Уладзімір Грышук з Дзмітрыем Дзярушкам, Яўген Насевіч з Аляксандрам Панцюком. У дзень яны выкопваюць бульбу на плошчы да 12-13 гектараў. На адвозцы клубняў задзейнічаны 12 адзінак тэхнікі. Штодня сховішча прадпрыемства папаўняецца на 500 тон бульбы. Ужо ўбралі 150 гектараў, накапалі каля 6 тысяч тон бульбы, што складае 25 працэнтаў ад плана. Анастасія ПЛЯТНЁВА.