Паважаныя работнікі аховы здароўя і ветэраны працы!

Ад усёй душы віншуем вас з Днём медыцынскага работніка!

Прафесійнае свята заўтра адзначаць людзі асаблівай прафесіі. Людзі, чыя праца цалкам прысвечана служэнню чалавеку. Таму ісці ў медыцыну могуць і павінны толькі тыя, хто добры, адкрыты, умее спачуваць і перажываць, трывожыцца за лёс хворага і імкнецца дапамагчы. Гэтыя якасці справядліва лічацца пропускам у медыцыну: без гэтага ўрачом проста не стаць.

Кожны дзень вы клапоціцеся аб нашым здароўі, дорыце радасць і шчасце збаўлення ад хвароб. Нізкі паклон і словы падзякі ўсім урачам, фельчарам, медсёстрам, вадзіцелям хуткай дапамогі — усім тым, хто з гонарам выконвае сёння свой прафесійны абавязак.

Жадаем здароўя вам і вашым сем’ям, цярпення, бадзёрасці духу, міру і дабра!

Раённы выканаўчы камітэт.

Раённы Савет дэпутатаў.