Сельское хозяйство Дапаможная гаспадарка прыносіць карысць 17.07.2018 237 Redactor Комментариев нет Цыбуля, агуркі, памідоры… Збіраць вырашчаны на ўласных палетках ураджай для працаўнікоў Пухавіцкага псіханеўралагічнага дома-інтэрната звыкла. Гэта робіцца штогод. І сёлетняе спякотнае лета не стала выключэннем і падставай не атрымаць да стала свежую гародніну. — З ранняй вясны ў сталовую дома-інтэрната мы пачалі здаваць свежую зялёную цыбулю, вырашчаную ў цяпліцы, — гаворыць загадчык дапаможнай гаспадаркі Фёдар Супрун. — У чэрвені ўжо пачалі збіраць ураджай агуркоў. Да пачатку ліпеня паставілі ў сталовую каля 400 кіла-грамаў гародніны. У цяпліцы і ў адкрытым грунце спеюць памідоры. Неўзабаве ў рацыёне пражываючых з’явяцца кабачкі і маладая бульба. На градах дома-інтэрната звычайна растуць таксама буракі і морква. У гэтым годзе яны больш за іншыя культуры пацярпелі ад недахопу вільгаці. Буракі прыйшлося нават перасяваць. Каля 5 гектараў поля занялі сёлета пад бульбу, ураджаю якой звычайна хапае пад поўную патрэбу. 15 гектараў засеялі жытам і 5 — ячменем. У гэтым годзе на лета ўпершыню былі ўзяты для вырошчвання бычкі. Звычайна гэта рабілі адзін раз у год восенню. Вырашылі паспрабаваць выгадаваць дзве групы. Калі эксперымент сябе апраўдае, гэта будзе рабіцца штогод. Тым больш, што праблем пракарміць невялікае пагалоўе не бывае. Традыцыйна калектыў дома-інтэрната займаецца добраўпарадкаваннем. Тут ведаюць, як рабіць гэта з фантазіяй, з густам. Сёлета на тэрыторыі сацыяльна-медыцынскай установы з’вілася многа руж. Ад кветнікаў цяпер проста немагчыма адвесці вочы. Алена ІВАНОВА.