Дарагія жанчыны! Мілыя нашы мамы! Ад усяго сэрца віншуем вас са святам — Днём маці!
Сярод свят, якія адзначаюцца ў нашай краіне, ён, несумненна, займае асаблівае месца. І жыве ён не ў календары, а ў сэрцы кожнага чалавека, таму што мама — гэта самае дарагое і светлае, што ёсць у кожнага з нас.
Мама — самы першы наш сябар, дарадца, наша апора. На яе родным плячы мы можам паплакаць, калі цяжка, з ёй першай мы жадаем падзяліцца радасцю. Мацярынская любоў робіць нас моцнымі, дапамагае пераадольваць нягоды і верыць у поспех.
Але наша разуменне і ўвага гэтак жа неабходны і мамам. Не забывайце казаць ім цёплыя словы і ў святы, і ў будні. Тэлефануйце, акружайце клопатам і любоўю.
Дарагія нашы мамы! Няхай кожны ваш дзень будзе напоўнены радаснымі і прыемнымі падзеямі! Шчасця, здароўя, дабрабыту, душэўнага спакою і кахання! Міру вашаму дому! І няхай вашы дзеці, якім вы аддаеце самае лепшае, вас радуюць.
Раённы выканаўчы камітэт.
Раённы Савет дэпутатаў.