Сёлета працавалі на адных найстарэйшых могілак Пухавіцкага раёна – так званай Сарафінавай гары, каля вёскі Суцін.

Тут можна сустрэць надмагільныя камяні – помнікі з датай пахавання 1810 года. Распачалі працу малітвай за памерлых, да якой асаблівым чынам заахвочвае нас Святы Касцёл у гэтыя дні. У прыгожым восеньскім лесе, сярод магіл продкаў, працавалі пад кіраўніцтвам святара 8 мужчын і 3 жанчыны. Гэта ўжо не першая такая акцыя, якая праводзіцца у парафіі.

Ёсць надзея, што і ў будучым часе традыцыя па добраўпарадкаванню могілак будзе працягвацца.

Марыя Радзюк. Фота: Валерый Вернікоускі.